ABRÍNDOSE O TELÓN
Sempre o quixen facer, si, sempre o pensei, o que pasa e que a veces tarda en chegar xa séa polos motivos que séa tarda en chegar. De pequenos xogamos a ser todo tipo de personaxes, animais, convertiamos cada día nunha historia incríbel pero a medida que vamos crecendo os días xa non son historias asombrosas, non nos convertimos en personaxes diferentes nin en animais con poderes sobrenaturais, a maioría das persoas convertémonos en algo co que non nos sentimos identificados; – si fas isto vaiche ir ben, isto outro ten moita saída, os típicos consellos que non paramos de escoitar cando xa estas a piques de rematar 3º de BUP (si eu son de BUP) para entrar a cursar o último ano de instituto. Estes consellos convértense en algo real cando o que te queres adicar na túa vida e a facer de cada día unha historia incríbel e ser todo tipo de personaxes e animais; – que va, non creo que chegue nunca a vivir de iso, eu non valgo pa iso, vou estudar outra cousa e facerlle caso o orientador e convirme e algo rutineiro e aburrido.
É certo iso que din os vellos do lugar; – Ai neniño aproveita que os anos pasan moi rápido e cando te queres dar conta xa non podes facer nada. Cada vez que o penso estou mais de acordo con esa afirmación, eu o que non quero e que cando se este baixando meu telón marche para camerinos triste e arrepentido de non haber intentado ser quen sempre quixen ser, personaxes e animais con poderes sobrenaturais.
A frase “Nunca é tarde” e certa pero eu tamén diría “ Canto mais tarde, menos oportunidades” o que non quere dicir que non o intentes, sempre has de intentalo por moi raro e imposíbel que che pareza , porque a vida son dous días e a veces menos e xa sabes o que non queres que che pase con baixe o telón, pois daquela faino.
E porque ti non? Ti tamén podes ser o que te propoñas, podes ser calquera cousa que queiras, non teñas medo a intentalo, faino, inténtao e veras como te sentes mellor. Os cambios sempre son positivos aínda que tamén os inicios son complicados pero e mellor un inicio complicado que unha vida rutineira.
Abríndose o telón, fai da túa vida a túa propia obra, elixe os personaxes, quen queres ser, quen queres que te acompañe, prantexamento un nó e terás o desenlace desexado tarde o que tarde, confía en min, confía en ti, chegará e cando se baixe o telón iras para camerinos cun sorriso de tranquilidade e aplausos.
Eu vouno facer, e ti?
– A que te adicas?
– Eu a soñar!